ສະຖາບັນລາວ-ຍີ່ປຸ່ນ | ラオス日本センター
- Details
- Category: NEWS
- Hits: 980
ໂດຍພາຍໃຕ້ການສະໜັບສະໜູນຂອງອົງການ JICA ແລະ ສະຖາບັນລາວ-ຍີ່ປຸ່ນ(LJI) ຕອນແລງຂອງວັນທີ 1 ຕຸລາ 2022 ຢູ່ທີ່ ໂຮງແຮມ Lao Plaza ກຸ່ມ KJL (ກຸ່ມອະດີດຜູ້ເຂົ້າຮ່ວມຫຼັກສູດຝຶກອົບຮົມສຳລັບຜູ້ບໍລິຫານລະດັບສູງຂອງບໍລິສັດ) KEIEI JUKU ຮຸ່ນທີ 3 ຂອງສະຖາບັນ ລາວ-ຍີ່ປຸ່ນ ໄດ້ເປັນເຈົ້າການ ຈັດງານພົບປະແລກປ່ຽນຖອດຖອນບົດຮຽນທີ່ໄດ້ມາຈາກການໄປທັດສະນະສຶກສາຢູ່ທີ່ປະເທດຍີ່ປຸ່ນມາ ແລະ ຕໍ່ດ້ວຍຂອງງານລ້ຽງຕອນຄໍ່າ ເຊິ່ງມີບັນດາແຂກລະດັບສູງທີ່ກ່ຽວຂ້ອງຈາກທັງຝ່າຍລາວ ແລະ ຝ່າຍຍີ່ປຸ່ນ ໄດ້ໃຫ້ກຽດເຂົ້າຮ່ວມເປັນຈໍານວນຫຼວງຫຼາຍເຊັ່ນ:
• ທ່ານ KOBAYASHI Kenichi ເອກອັກຄະລັດຖະທູດຍີ່ປຸ່ນປະຈໍາ ສປປ ລາວ
• ທ່ານ NAGASE Toshio ຫົວໜ້າອົງການ JICA ປະຈໍາ ສປປ ລາວ
• ທ່ານ KIKUCHI Yasushi ຫົວໜ້າອົງການ JETRO ປະຈໍາ ສປປ ລາວ
• ທ່ານ ຮສ. ປອ. ອຸດົມ ພອນຄໍາເພັງ ອະທິການບໍດີມະຫາວິທະຍາໄລແຫ່ງຊາດ
• ທ່ານ ປອ. ພອນແກ້ວ ຈັນທະມາລີ ຜູ້ອຳນວຍການສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ
• ທ່ານ Okawa Naoto ຫົວໜ້າທີ່ປຶກສາ JICA ປະຈໍາ LJI
• ທ່ານ ລິດທິໄກ ພູມມະສັກ ສະມາຄົມສົື່ງເສີມ SME ລາວ
• ທ່ານ ແກ້ວຕາ ຂັນຕິວົງ ຫົວໜ້າກຸ່ມ KJL
• ທ່ານ ເມກມະໂນ ຈັນທະລາຕຣີ ທີື່ປຶກສາກິດຕິມະສັກຂອງກຸ່ມ KJL ພ້ອມດ້ວຍແຂກຈາກຫຼາຍສະມາຄົມ ໂດຍສະເພາະແມ່ນນັກທຸລະກິດຈາກບໍລິສັດກໍ່ໄດ້ມາເຂົ້າຮ່ວມຢ່າງພ້ອມພຽງ. ງານໄດ້ດຳເນີນໄປດ້ວຍບັນຍາກາດທີ່ຟົດຟື້ນມ່ວນຊື່ນຫຼາຍ ທຸກພາກສ່ວນໄດ້ມີການແລກປ່ຽນຂໍ້ມູນຂ່າວສານ ແລະ ມີຄໍາຄິດເຫັນທີ່ເປັນປະໂຫຍດ ເພື່ອການພັດທະນາ ການຮ່ວມມື ແລະ ການຮັດແໝ້ນຄວາມສາມັກຄີລະຫວ່າງກັນແລະກັນ.
ພິເສດໃນງານ ຜູ້ຈົບຫຼັກສູດ KEIEI JUKU ຮຸ່ນ3 ທີ່ໄດ້ໄປທັດສະນະສຶກສາຢູ່ຍີ່ປຸ່ນກັບມາຄັ້ງນີ້ 16 ທ່ານ ຍັງໄດ້ຮັບໃບຢັ້ງຢືນ "ຈົບຫຼັກສູດຜູ້ບໍລິຫານລະດັບສູງສຳລັບບໍລິສັດແບບຍີ່ປຸ່ນ" ຈາກທ່ານຫົວໜ້າອົງການ JICA ປະຈໍາລາວເປັນຜູ້ມອບໃຫ້ອີກດ້ວຍ.
- Details
- Category: NEWS
- Hits: 868
ງານສົ່ງເສີມການພັດທະນາທຸລະກິດ ເພື່ອປະກອບສ່ວນແກ້ໄຂບັນຫາທາງສັງຄົມ ພາຍໃຕ້ໂຄງການ LJI SUSU Scale-Up
ໃນວັນທີ 28 ກັນຍາ 2022, ສະຖາບັນພັດທະນາຊັບພະຍາກອນມະນຸດລາວ-ຍີ່ປຸ່ນ (ສລຍ) ພ້ອມການສະໜັບສະໜູນຂອງອົງການໄຈກາ (JICA) ໄດ້ຈັດງານສົ່ງເສີມພັດທະນາທຸລະກິດ ເພື່ອປະກອບສ່ວນແກ້ໄຂບັນຫາທາງສັງຄົມພາຍໃຕ້ໂຄງການ LJI SUSU ເຊິ່ງຮ່ວມຈັດໂດຍ ອົງການສົ່ງເສີມການຄ້າຍີ່ປຸ່ນ ປະຈຳນະຄອນຫຼວງວຽງຈັນ (JETRO) ແລະ ກົມສົ່ງເສີມວິສາຫະກິດຂະໜາດນ້ອຍ ແລະ ກາງ (ກສວ) ພາຍໃຕ້ການຊີ້ນຳຂອງກະຊວງອຸດສາຫະກຳ ແລະ ການຄ້າ.
ສລຍ ໄດ້ເປີດໂຄງການ LJI SUSU (Scale-Up) ພາຍໃຕ້ໂຄງການພັດທະນາທຸລະກິດໃນເດືອນຕຸລາ 2021 ເພື່ອສົ່ງເສີມການຂະຫຍາຍຕົວຂອງເສດຖະກິດ-ສັງຄົມລາວ. ໂຄງການດັ່ງກ່າວມີຈຸດປະສົງເພື່ອສ້າງທ່າແຮງໃນການແຂ່ງຂັນ ແລະ ການສ້າງເຄື່ອຂ່າຍທາງທຸລະກິດໃຫ້ບັນດາຫົວໜ່ວຍທຸລະກິດ ເຊິ່ງຕິດພັນກັບບັນດາຫົວໜ່ວຍທຸລະກິດທັງພາຍໃນ ແລະ ຕ່າງປະເທດເປັນຕົ້ນແມ່ນປະເທດຍີ່ປຸ່ນ.
ງານດັ່ງກ່າວແມ່ນໄດ້ຮັບກຽດໃນການກ່າວເປີດພິທີໂດຍ ທ່ານ. ໂນລິຢູກິ ອີໂຕະ (Noriyuki ITO), ຮອງຫົວໜ້າຫ້ອງການໄຈກາປະຈໍາລາວລາວ (JICA), ສຈ. ປອ. ຮຸ່ງເພັດ ຈັນທະວົງ, ຮອງອະທິການບໍດີມະຫາວິທະຍາໄລແຫ່ງຊາດ, ດຣ. ບຸນເພັງ ສີບຸນເຮືອງ, ຜູ້ອຳນວຍການກົມສົ່ງເສີມວິສາຫະກິດຂະໜາດນ້ອຍ ແລະ ກາງ (ກສວ) ແລະ ທ່ານ. ຢາສູຊິ ກິກູຈິ (Yasushi KIKUCHI), ຕ່າງໜ້າທີ່ປຶກສາຂອງອົງການສົ່ງເສີ່ມການຄ້າຍີ່ປຸ່ນ ປະຈຳນະຄອນຫຼວງວຽງຈັນ (JETRO).
ທັງ 4 ບໍລິສັດທີ່ໄດ້ເຂົ້າຮ່ວມໃນການແຂ່ງຂັນແຜນທຸລະກິດ LJI SUSU ໃນເດືອນທັນວາ ປີ 2021 ທີ່ຜ່ານມານີ້ ແມ່ນໄດ້ຮັບຄຳແນະນຳຈາກ Mentor ຂອງ LJI SUSU ແລະ ສາມໃນສີ່ບໍລິສັດທີ່ກ່າວມານັ້ນ ແມ່ນໄດ້ຮັບການສະໜັບສະໜູນເງິນທຶນຈາກອົງການໄຈກາ (JICA) ເພື່ອດຳເນີນການຈັດຕັ້ງປະຕິບັດແຜນທຸລະກິດໃຫ້ປະກົດຜົນເປັນຈິງ (Proof of Concept) ເປັນໄລຍະເວລາ 6 ເດືອນ.
ນອກຈາກທັງ 4 ບໍລິສັດທີ່ໄດ້ມານຳສະເໜີທຸລະກິດຂອງຕົນແລ້ວ, ພວກເຂົາຍັງຊອກຫາຄູ່ຮ່ວມທຸລະກິດສາມາດເຮັດວຽກຮ່ວມກັນໃນດ້ານຕ່າງໆ.
4 ບໍລິສັດມີແຜນທຸລະກິດທີ່ມານໍາສະເໜີດັ່ງລຸ່ມນີ້:
1. ແອັບຈອງປີ້ໂດຍສານເວຫາ: ເປັນແອັບພິຣເຄຊັນທຳອິດຂອງປະເທດລາວທີ່ສາມາດຈອງປີ້ໂດຍສານຄົບຈົບໃນແອັບດຽວ.
2. ແອັບແຊບ: ລະບົບການບໍລິຫານຈັດການຮ້ານອາຫານທີ່ທັນສະໄໝ ເພື່ອກາຍມາເປັນສຸດຍອດແອັບພິເຄຊັນຂອງປະເທດລາວ.
3. ຄັອບແຊຣ: ຊຸກຍູ້ສົ່ງເສີມຊາວກະສິກອນລາວ ເພື່ອໃຫ້ຂະແໜງກະສິກຳລາວມີການຈະເລີນເຕີບໂຕໄປຄຽງຄູກັນ.
4. ບັນຊີ.la LITE: ລະບົບການບໍລິຫານ-ການບັນຊີອອນໄລທີ່ສ້າງມາໃຫ້ແທດເໝາະສຳລັບຈຸນລະວິສາຫະກິດຂະໜາດນ້ອຍ ແລະ ກາງທີ່ຢູ່ໃນລາວ.
ນອກຈາກນັ້ນ, ບໍລິສັດຍີ່ປຸ່ນທີ່ມີຊື່ວ່າ Music Securities Inc. ໄດ້ຮ່ວມບັນຍາຍໃນຫົວຂໍ້ “ປັດໄຈສຳຄັນທີ່ມີຜົນຕໍ່ກັບນັກລົງທຶນ” ແລະ ບໍລິສັດ ໂລກາ ຈຳກັດ ເຊິ່ງເປັນບໍລິສັດຂອງຄົນລາວທີ່ປະສົບຜົນສຳເລັດ, ໄດ້ມາຮ່ວມແບ່ງປັນປະສົບການໃນຫົວຂໍ້ “ຍຸດທະສາດການຂະຫຍາຍຕົວ ແລະ ການຂະຫຍາຍເຄື່ອຂ່າຍທາງທຸລະກິດ” ແລະ ນອກຈາກນີ້ຍັງມີລາງວັນພິເສດໃຫ້ກັບບໍລິສັດທີ່ມີຄວາມພະຍາຍາມໃນການສ້າງຄຸນຄ່າໃຫ້ກັບສັງຄົມລາວດັ່ງນີ້:
ແອັບຈອງປີ້ໂດຍສານເວຫາ ໄດ້ຮັບຮາງວັນຜົນປະກອບການດີເດັ່ນ ຄັອບແຊຣ ໄດ້ຮັບຮາງວັນຮູບແບບທຸລະກິດທີ່ສ້າງຄຸນຄ່າໃຫ້ແກ່ສັງຄົມງານສົ່ງເສີ່ມການພັດທະນາທຸລະກິດ ແມ່ນໄດ້ຈັດເປັນ 2 ແບບກໍຄື ແບບເຊິ່ງໜ້າ ແລະ ແບບອອນໄລ ແລະ ມີຜູ້ເຂົ້າຮ່ວມຫຼາຍກວ່າ 150 ຕ່າງໜ້າບໍລິສັດເຂົ້າຮ່ວມທັງປະເທດລາວ ແລະ ຍີ່ປຸ່ນ ເຊິ່ງໃນນັ້ນ ໄດ້ມີນັກລົງທຶນຫຼາຍກວ່າ 16 ທ່ານ ເຂົ້າຮ່ວມ.
ສລຍ ພວກເຮົາມີຄວາມຕື່ນຕັນໃຈຫຼາຍທີ່ໄດ້ເຫັນບັນດາບໍລິສັດທີ່ເຂົ້າຮ່ວມໃນໂຄງການ ມີການເຕີບໃຫຍ່ ແລະ ໄດ້ເຮັດວຽກຮ່ວມກັບບໍລິສັດດັ່ງກ່າວຢ່າງໃກ້ຊິດ ເຮັດໃຫ້ບໍລິສັດສາມາດນຳເອົາຄຸນຄ່າກັບຄືນສູ່ສັງຄົມລາວໃຫ້ຫຼາຍຂຶ້ນ
LJI SUSU ‘‘Social Issue Solving’’ Startup Pitch Event
On 28 September 2022, Laos-Japan Human Resource Development Institute (LJI), with support of Japan International Cooperation Agency (JICA), held LJI SUSU ‘‘Social Issue Solving’’ Startup Pitch Event together with Japan External Trade Organization (JETRO) Vientiane, National University of Laos (NUOL) and Department of SME Promotion (DOSMEP) under Ministry of Industry and Commerce (MOIC).
LJI launched LJI SUSU (Scale-up) under the Business Development Program in October 2021 to promote economic and social growth in Laos. The program aims to enhance participating companies’ competitiveness and business linkage between Lao and foreign companies, including Japanese ones.
LJI SUSU pitch event was opened by remarks by Mr. Noriyuki ITO, Senior Representative of JICA Laos, Prof. Dr. Houngphet CHANTHAVONG, Vice President of National University of Laos (NUOL), Dr. Bounpheng SIBOUNHEUNG, Director General of DOSMEP and Mr. Yasushi KIKUCHI, Chief Representative of JETRO Vientiane.
Four companies that had participated in LJI SUSU Business Competition in December 2021 received advice from LJI SUSU mentors and three of them conducted the Proof of Concept (POC) with JICA’s financial support for the last 6 months.
There four companies below presented their business cases, including areas that they want to collaborate with partners:
1. Wayha Booking Platform: The first all-in-one booking platform in Laos
2. AppZap - Lao Self Ordering: Smart restaurant management system aiming to become Lao 1st Super App
3. CROPShare: Growing and wining with Lao farmers
4. bansi.la LITE: User-friendly online financial management system for Lao MSMEs growth
In addition, a Japanese company, Music Securities Inc. shared most important factors for investors and a successful Lao entrepreneur, LocaLaos, shared their story with the title “Growth and Networking strategy”.
At the end of the event, the following companies received special awards in recognition of their tremendous efforts to bring more value to Lao society.
“Best Performance Award” for Wayha Booking Platform“Social Impact Award” for CROPShareLJI pitch event was implemented in the hybrid style (both online and offline) and more than 150 business representatives both from Laos and Japan, including more than 16 investors attended.
As LJI, we are so excited to see further growth of LJI SUSU participating companies and work with them closely to bring even more value to Lao society.
- Details
- Category: NEWS
- Hits: 771
ງານຝຶກອົບຮົມຄູໄລຍະພັກແລ້ງໄດ້ເລີ່ມຂື້ນແລ້ວ.
ງານແມ່ນໄດ້ຖືກຈັດຂື້ນຢູ່ສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ ໃນວັນທີ 15-25 ເດືອນສິງຫາ.
ປີນີ້ຄູຈາກໂຮງຮຽນມັດຖະຍົມ 14 ທ່ານ ແລະ ພະນັກງານ ຈາກ ສວສ 2 ທ່ານໄດ້ເຂົ້າຮ່ວມ.
ມື້ທຳອິດແມ່ນໄດ້ມີພິທີເປີດງານ ແລະ ໄດ້ຈັດກິດຈະກຳລະລາຍພຶດຕິກຳ.
今年も夏期教師研修が始まりました。
今年は中等の先生が14人、RIES職員が2人参加しています。
初日は開講式やアイスブレイキングをしました。
Source: ສວສ ມູນນິທິຍີ່ປຸ່ນ RIES JF Laos
- Details
- Category: NEWS
- Hits: 830
ປະກາດຮັບສະໝັກສອບເສັງທຽບພາສາຍີ່ປຸ່ນ
ສຳລັບຜູ້ທີ່ເຄີຍຮຽນພາສາຍີ່ປຸ່ນມາກ່ອນ ແລະ ສົນໃຈສະໝັກຮຽນພາສາຍີ່ປຸ່ນນຳສະຖາບັນຂອງພວກເຮົາແມ່ນຈະຕ້ອງໄດ້ສອບເສັງທຽບລະດັບກ່ອນຈຶ່ງສາມາດເຂົ້າຮຽນໄດ້.
ສອບຖາມຂໍ້ມູນເພີ່ມຕື່ມ 030 5210 746
020 5494 8807 (ວັອດແອັບ)
- Details
- Category: NEWS
- Hits: 853
ຂໍອະນຸຍາດຜູ້ຮັບຜິບຊອບບໍລິສັດນີ້ແລ້ວສາມາດລົງສັງຄົມອອນລາຍໄດ້. ມື້ນີ້ພວກຂ້າພະເຈົ້າໄດ້ໄປຢ້ຽມຢາມບໍລິສັດ Seki Furniture ເປັນບໍລິສັດຜະລິດ ແລະ ຈໍາໜ່າຍເຄື່ອງເຟີນີເຈີ ຂາຍດີອັນດັບ 1 ຂອງປະເທດຍີ່ປຸ່ນຕິດຕໍ່ກັນ 9 ປີ ແລະ ປະທານບໍລິສັດ SEKI Fumihiko (ອາຍຸ 79 ປີ) ບໍລິຫານບໍລິສັດ ເປັນໄລຍະເວລາ 54 ປີ ບໍ່ເຄີຍຂາດທຶນ, ໄດ້ຮັບຜົນກໍາໄລຕິດຕໍ່ລຽນກັນ 54 ປີ. ເໜືອກ່ວາປະສົບການ ແລະ ເໜືອກ່ວາຄວາມຮູ້ທີ່ໄດ້ໃນການໄປຢ້ຽມຢາມໃນຄັ້ງນີ້, ແມ່ນພະລັງສ້າງແຮງຈູງໃຈຂອງທ່ານປະທານ SEKI Fumihiko ນັ້ນເອງ....ເຄັດລັບໃນການບໍລິຫານໃຫ້ມີກໍາໄລຕິດຕໍ່ກັນ 54 ປີນີ້ແລ້ວຄູເຊັ່ງຈະເລົ່າໃຫ້ຟັງຕອນມີໂອກາດ
